மொழிபெயர்ப்பின் மூலக் கட்டுரையை இங்கே காணலாம்

ரஷ்ய மற்றும் ஐரோப்பிய பதிவுவாத (impressionist) மற்றும் பிந்தைய-பதிவுவாத (post-impressionist) கலைகளின், மொரோசோவ் கலைப்படைப்புக்களின் தொகுப்பு (Morozov Collection) பாரிஸில் உள்ள லூயி விட்டோன் அறக்கட்டளையில் (Louis Vuitton Foundation - LVF) கண்காட்சியில் உள்ளது. ரஷ்யாவைச் சேர்ந்த ரெபின், கொரோவின், லாரியோனோவ், கோஞ்சரோவா மற்றும் மாலேவிட்ச் மற்றும் ஐரோப்பாவைச் சேர்ந்த மொனே, ரோடான், செஸான், வான் கோஹ், மாத்தீஸ் மற்றும் பிக்காசோ உள்ளிட்ட டஜன் கணக்கான கலைஞர்களின் தலைசிறந்த படைப்புகள் இதில் அடங்கும். 1 மில்லியனுக்கும் அதிகமான மக்கள் அதைப் பார்வையிட்டுள்ளனர்; ஏப்ரல் 3 ஆம் தேதி அதன் திட்டமிடப்பட்ட முடிவில், பாரிஸில் இதுவரை அதிகம் பார்வையிடப்பட்ட கலைக் கண்காட்சியாக இது உள்ளது.

1917 அக்டோபர் புரட்சிக்கு முந்தைய தசாப்தங்களில் அவை மலர்ந்தபோது ரஷ்ய மற்றும் ஐரோப்பிய கலாச்சாரங்களுக்கு இடையே நிறுவப்பட்ட ஆழமான, அழியாத தொடர்பை இந்த கண்காட்சி புதுப்பிக்கிறது. அக்டோபர் புரட்சிக்குப் பின்னர் லெனின், ட்ரொட்ஸ்கி மற்றும் போல்ஷிவிக்குகளால் இக் கலைப்படைப்புக்களின் தொகுப்பு தேசியமயமாக்கப்பட்டது மற்றும் பொதுமக்களின் பார்வைக்கு கிடைத்தது.

ரஷ்யாவிற்கு எதிரான நேட்டோ போர் உந்துதலை சட்டபூர்வமாக்குவதற்காக, ரஷ்ய ஜனாதிபதி விளாடிமிர் புட்டின் உக்ரேன் மீது படையெடுத்ததில் இருந்து பிரான்சில் தூண்டப்பட்ட தேசியவாத ஊடக பிரச்சாரத்தின் ஒரு பகுதியாக மொரோசோவ் கலைப்படைப்புக்களின் தொகுப்பு உள்ளது. இந்தக் கண்காட்சியானது, பிரெஞ்சு ஊடகங்கள் மற்றும் கலாச்சார ஸ்தாபனத்தில் வெறுப்பு வழியும் இலக்காக மாறியுள்ளது.

பிரெஞ்சு அரசு அல்லது ஐரோப்பாவின் மிகப்பெரும் பணக்காரரான கோடீஸ்வரர் ஆடம்பரக்கனவான் பேர்னார் ஆர்னோ (நிகர மதிப்பு: 159 பில்லியன் டாலர்கள்) இன் LVF மூலம் இக் கலைப்படைப்புக்களின் தொகுப்பை கைப்பற்ற வேண்டும் என்ற கோரிக்கைகள் அதிகரித்து வருகின்றன. 2016 ஆம் ஆண்டு கிரெம்ளினில் ஆர்னோ மற்றும் புட்டின் இடையே தனிப்பட்ட முறையில் செய்யப்பட்ட கடன் ஒப்பந்தம், ஏப்ரல் 6 ஆம் தேதிக்குள் ரஷ்யாவிற்கு கலைப்படைப்புக்களைத் திருப்பி கொடுக்க வேண்டும்.

உக்ரேன் மீதான ரஷ்ய படையெடுப்பிற்கு அடுத்த நாள் காலையில், ஒரு ஒருங்கிணைந்த பிரச்சாரம் பிரெஞ்சு பத்திரிகைகளில் மோரோசோவ் சேகரிப்பைக் கைப்பற்றுவதற்கான சாத்தியக்கூறுகளை விவாதித்தது. 'ரஷ்ய இராணுவத்தின் தாக்குதலுக்குப் பின்னர்,' கண்காட்சியைத் திறந்து வைத்திருப்பது 'கேள்விகளை எழுப்ப வேண்டிய கட்டாயத்தில் உள்ளது' என்று Le Monde எழுதியது. 'உக்ரேனிய எதிர்ப்பிற்கு பயனுள்ள ஆயுதங்களை வாங்க' பணக்கார கலைப்படைப்புக்களின் தொகுப்பு சேகரிப்பாளர்களுக்கு அதை விற்கும் வாய்ப்பை Le Figaro எழுப்பியது.

இந்த முன்மொழிவுகள் பிரான்சில் கிளர்ந்தெழுந்த ரஷ்ய-எதிர்ப்பு பிரச்சாரத்தின் கீழ்த்தரமான தன்மைக்கு சாட்சியமளிக்கின்றன, இது கலை மற்றும் மனித கலாச்சாரத்தின் மீதான தாக்குதலுக்கு சமம். இந்த விலைமதிப்பற்ற கலைப்படைப்புக்களின் தொகுப்பின் 200 படைப்புகளை கைப்பற்றுவது, இரண்டாம் உலகப் போரின்போது கண்டத்தை நாஜி கொள்ளையடித்ததிலிருந்து ஐரோப்பாவில் நடந்த மிகப்பெரிய கலைத் திருட்டு என்று விவாதிக்கலாம்.

ஆயினும்கூட, ஊடகங்களில் இது துல்லியமாக வலுவான குரல்களைக் கொண்டுள்ளது பிரெஞ்சு புத்திஜீவிகளுக்கு என்ன முன்மொழிகிறது. இந்த மாதம், La Règle du Jeu இதழின் ஆசிரியர் ஜில் ஹெர்ஸோக் (Gilles Hertzog), மோரோசோவ் கலைப்படைப்புக்களின் தொகுப்பு 'உக்ரேனில் போர்கள் முடிவடையும் வரை மற்றும் ரஷ்ய படையெடுப்பாளர்கள் திரும்பப் பெறும் வரை பாரிஸில் இருக்க வேண்டும்' என்று ஒரு தலையங்கத்தை எழுதினார்.

ஸ்பானிய உள்நாட்டுப் போரில் குர்னிக்கா மீது பாசிச குண்டு வீச்சு பற்றிய பிக்காசோவின் ஓவியத்தைப் பற்றிக் குறிப்பிடுகையில், ஜில் ஹெர்ஸோக் இப்போது ரஷ்யாவிற்கு கண்காட்சி திருப்புவது பிக்காசோவிற்கும் ஒட்டுமொத்த கலைக்கும் ஒரு தார்மீக அவமதிப்பாக இருக்கும் என்று கூறுகிறார். அவர் எழுதினார், 'விளாடிமிர் புட்டினின் ஆதரவின் கீழ், குர்னிக்காவை உருவாக்கியவர் அம்பலப்படுத்தப்படுவது சகிக்க முடியாத அவமானமாகிவிட்டது.'

இந்த வாதத்தின் பாசாங்குத்தனம் திகைக்க வைக்கிறது. 1991 சோவியத் ஒன்றியத்தின் ஸ்ராலினிசக் கலைப்புக்குப் பின்னர் 30 ஆண்டுகளில், அமெரிக்க மற்றும் ஐரோப்பிய ஏகாதிபத்திய சக்திகள் உலகெங்கிலும் தங்கள் முக்கிய இராணுவப் போட்டியாளரை அகற்றின. ஈராக், யூகோஸ்லாவியா, ஆப்கானிஸ்தான், லிபியா, சிரியா மற்றும் மாலி உள்ளிட்ட நாடுகளின் மீது படையெடுப்பு அல்லது குண்டுவீச்சு, அவர்கள் மில்லியன் கணக்கானவர்களைக் கொன்றனர் மற்றும் பல மில்லியன் மக்களை அகதிகளாக மாற்றினர். போர் நடக்கும் ஒரு நாட்டில் கலையை காட்சிப்படுத்த முடியாது என்ற ஹெர்ஸோக் இன் பிற்போக்குத்தனமான கூற்றை ஒருவர் ஏற்றுக்கொண்டால், ஐரோப்பா மற்றும் வட அமெரிக்காவில் உள்ள ஒவ்வொரு கலை அருங்காட்சியகத்தையும் ஒருவர் மூட வேண்டியிருக்கும்.

எவ்வாறாயினும், நியூ யோர்க் நகரத்தில் உள்ள நவீன கலை அருங்காட்சியகத்தில் குர்னிக்கா ஓவியம் காட்சிப்படுத்தப்பட்டதை பிக்காசோவை அவமதிக்கும் செயல் என்று ஹெர்ஸோக் கண்டிக்கவில்லை. கடந்த ஆண்டு வடக்கு மாலியில் ஒரு திருமண நிகழ்வின் மீது பிரெஞ்சு குண்டுவீச்சில், குறைந்தது 19 பொதுமக்களைக் கொன்றது, மொரோசோவ் கலைப்படைப்புக்களின் கண்காட்சியை நடத்துவதற்கு பாரிஸ் தகுதியற்றதாக மாற்றியது என்றும் அவர் கூறவில்லை.

ஸ்ராலினிச செனட்டர் மார்செல் கஷ்ஷானின் (Marcel Cachin) பேரனும், 1968க்கு பிந்தைய 'புதிய தத்துவஞானி' பேர்னார்ட்-ஹென்றி லெவியின் (Bernard-Henri Lévy) நண்பருமான ஹெர்ஸோக்கை சுற்றியுள்ள செல்வந்தர்கள் மற்றும் ஊழல் நிறைந்த சூழலின் உள்ளார்ந்த பண்பாகும். லெவி மற்றும் ஹெர்ஸோக் மனித உரிமைகளின் தேர்ந்தெடுக்கப்பட்ட அழைப்புகளின் அடிப்படையில் போர்களை நியாயப்படுத்தியதில் மதிப்பிழந்தவர்கள். ஹெர்ஸோக், நேட்டோ சிரியாவை ஆக்கிரமித்து, 'தரையில் துருப்புக்கள் வேண்டாம்' என்ற அதன் கொள்கையை முடிவுக்குக் கொண்டு வர அழைப்பு விடுத்தார் மற்றும் ஆப்கானிஸ்தானில் இருந்து அமெரிக்க துருப்புக்கள் திரும்பப் பெறப்படுவதைக் கண்டித்தார்.

உக்ரேன் மீதான புட்டினின் ஆக்கிரமிப்பு, இராணுவ பலத்தைப் பயன்படுத்துவதில் நேட்டோவின் ஏகபோகத்திற்கு ஒரு சகிக்க முடியாத அச்சுறுத்தலாக இந்த அடுக்கு பார்க்கிறது. லிபியாவில் 2011 போரை ஊக்குவித்த லெவி, உக்ரேனை ஆக்கிரமிக்க புட்டினைத் தூண்டிய ரஷ்ய-எதிர்ப்பு ஆத்திரமூட்டல்களை நீண்டகாலமாக ஆதரித்தார். லெவி தீவிர வலதுசாரி உக்ரேனிய தேசியவாத ஆயுததாரிகளுடன் டொன்பாஸில் பலமுறை சுற்றுப்பயணம் செய்து, தற்போது ஒடெசாவில் இருக்கிறார். அவர் உக்ரேனில் நேட்டோவின் அதிக ஈடுபாட்டிற்காக பிரச்சாரம் செய்கிறார் - இது அணு ஆயுத சக்திகளுக்கு இடையே ஒரு மூன்றாம் உலகப் போரைத் தூண்டும் ஆபத்து இருந்தபோதிலும் அவ்வாறு செய்கிறார்.

La Règle du Jeu இல், ஹெர்ஸோக் தனது ரஷ்ய எதிர்ப்பு பித்தத்திற்கு ஓரளவு கண்ணியமான வெளிப்பாட்டைக் கொடுக்க முயற்சிக்கிறார். இந்தக் கண்காட்சியில், 'நித்திய ரஷ்யாவின் மற்றொரு முகம் நமக்கு வழங்கப்படுகிறது, உலகிற்கு திறந்திருக்கும், கலைகளின் நண்பன், கலாச்சாரத்தின் மீது ஆர்வமுள்ள மற்றும் ஐரோப்பாவுடனான பரிமாற்றங்களால் ஊட்டமளிக்கப்படுகிறது' என்று அவர் ஒப்புக்கொள்கிறார்.

ரஷ்ய மக்களின் கலை சாதனைகளுக்கான அவரது சுருக்கமான ஒப்புதலுக்குப் பின்னர், ஹெர்ஸோக் ரஷ்ய கலைக்கு தகுதியற்றதாகக் கருதப்படுவதைக் கண்டிக்கிறார். மோரோசோவ் கலைப்படைப்புக்களின் தொகுப்பு பறிமுதல் செய்யப்பட வேண்டும் என்றும், 'ரஷ்யா மீண்டும் ரஷ்ய அரசு அருங்காட்சியகங்களின் சுவர்களுக்குத் திரும்ப வேண்டும் ... மீண்டும் சிறந்த பிரெஞ்சு மற்றும் ரஷ்ய கலைகளை வழங்குவதற்கு தகுதியுடையதாக இருக்கவேண்டும்' என்று அவர் அழைப்பு விடுக்கிறார்.

ரஷ்ய மக்களை, அவர்களது அரசாங்கத்தின் நடவடிக்கைகளுக்காக தண்டிக்க ஹெர்ஸோக்கின் பிற்போக்குத்தனமான அழைப்புகள், கலை சுதந்திரத்திற்கு கடுமையான தாக்கங்களை ஏற்படுத்துகின்றன. மொனே மற்றும் ரோடானின் தொழில் வாழ்க்கையின் போது, பிரான்ஸ், இந்தோசீனா, சிரியா மற்றும் மொராக்கோவின் இரத்தக்களரி வெற்றியிலும், அல்ஜீரியா மற்றும் மேற்கு ஆபிரிக்காவின் கொள்ளையிலும் ஈடுபட்டது. மாத்திஸ் மற்றும் ஹெர்ஸோக்கின் தாயார், ஸ்ராலினிச சட்டமன்ற உறுப்பினர் மார்செல் ஹெர்ஸோக்-கஷ்ஷான் (Marcelle Hertzog-Cachin) ஆகியோரின் தொழில் வாழ்க்கையின் போது, பிரான்ஸ் இந்தோசீனா மற்றும் அல்ஜீரியாவில் இரத்தக்களரியான காலனித்துவ போர்களை நடத்தி இழந்திருந்தது, இது அரை மில்லியனுக்கும் அதிகமான உயிர்களைக் கொன்றதோடு, மில்லியன் கணக்கானவர்களை தடுப்பு முகாம்களுக்கு அனுப்பியது.

ஹெர்ஸோக் பிரெஞ்சு மக்களை மொனே, ரோடான் அல்லது மாத்தீஸ்ஸுக்கு 'தகுதியானவர்கள்' என்று கருதுகிறாரா? பிரான்சின் காலனித்துவ குற்றங்கள் காரணமாக பிரான்சில் தங்கள் படைப்புகளை காட்சிப்படுத்துவதற்கான உரிமை அவர்களுக்கு மறுக்கப்பட வேண்டுமா? ஹனோய், டமாஸ்கஸ், காசாபிளாங்கா, அல்ஜியர்ஸ் அல்லது டக்காரில் உள்ள அருங்காட்சியகங்கள், ரஷ்ய கலைப்படைப்புக்களின் விடயத்தில் ஹெர்ஸோக் செய்வது போல், பிரெஞ்சு மக்கள் தங்கள் அரசாங்கத்தின் குற்றங்களுக்காக கூட்டுத் தண்டனையை அனுபவிக்க வேண்டும் என்று வாதிட்டு, அங்கு காட்சிப்படுத்தப்பட்ட பிரெஞ்சு கலைகளைப் பறிமுதல் செய்ய வேண்டுமா?

'மனிதாபிமான ஏகாதிபத்தியத்தின்' குட்டி-முதலாளித்துவ ஆதரவாளர்கள் சந்தேகத்திற்கு இடமின்றி இத்தகைய கேள்விகளுக்கு மட்டுமீறிய சுறுசுறுப்பாக உள்ளனர், ரஷ்யாவுடனான போருக்கான அவர்களின் பத்திரிகை பிரச்சாரத்தில் கடினமாக உழைக்கிறார்கள். இருப்பினும், ரஷ்யாவிற்கு எதிரான அவர்களின் பிரச்சாரத்திற்கு முறையான கலை, அரசியல் அல்லது தார்மீக அடிப்படை எதுவும் இல்லை.

உண்மையில், புட்டின் மற்றும் ரஷ்யாவை அவர்கள் கண்டித்த அனைத்துக் காரணங்களுக்காகவும், அவர்கள் புட்டினின் ரஷ்ய தேசியவாதத்தின் முக்கிய கூறுகளை பகிர்ந்து கொள்கிறார்கள். அவர் உக்ரேனை ஆக்கிரமித்து, ரஷ்ய மற்றும் உக்ரேனிய தொழிலாளர்களைப் பிரிக்கும் போரைத் தொடங்கியபோது, முதலாளித்துவத்தின் ஸ்ராலினிச மறுசீரமைப்பின் வாரிசான புட்டின், அக்டோபர் புரட்சியைக் கண்டித்தார். சோவியத் ஒன்றிய ஸ்தாபனத்தில் ரஷ்யரல்லாத தேசிய இனங்களுக்கு பல சலுகைகளை வழங்கியதற்காக அவர் லெனின், ட்ரொட்ஸ்கி மற்றும் பிற பெரிய மார்க்சிஸ்டுகளை தாக்கினார்.

மொரோசோவ் கலைப்படைப்புக்களின் தொகுப்பை குறிவைக்கும் சக்திகளின் கம்யூனிச எதிர்ப்பு அடித்தளங்கள், முன்னாள் சிஐஏ ஏஜென்ட் வில்லியம் எஃப். பக்லி, ஜூனியர் நிறுவிய வலதுசாரி அமெரிக்க வெளியீடான நேஷனல் ரிவியூவில் குறிப்பிடப்பட்டுள்ளன. இது “புட்டின் உக்ரேனை விட்டு வெளியேறும் வரை மொரோசோவ் கலைப்படைப்புக்களின் தொகுப்பை பிரெஞ்சுக்காரர்கள் பாரிசில் வைத்திருக்க வேண்டும்” என்று எழுப்புகிறது. “கலையை பாரிஸில் வைத்திருங்கள். 1917 இல் தொடங்கிய கற்பனாவாத நரகத்துடன் கணக்கை முடித்துக் கொள்ள இது ஒரு பொருத்தமான வழி” என அது சோவியத் ஒன்றியத்தை கண்டித்து முடிவடைகிறது:

ரஷ்ய மக்களின் கலைப் பாரம்பரியத்தைத் திருடுவதற்கான இத்தகைய அச்சுறுத்தல்கள் ரஷ்யாவிற்கு எதிராக நடந்து வரும் நேட்டோ போர் உந்துதலின் முற்றிலும் ஜனநாயக விரோதத் தன்மையை அம்பலப்படுத்துகின்றன.