ඩිමොක්‍රටික් ජනාධිපති ධුරයට පත්වූ ජෝ බයිඩන්ගේ ඊයේ පස්වරුවේ විල්මිංටන් හි ඩෙලවෙයාර් හි පැවති ප්‍රවෘත්ති සාකච්ඡාව කැපවී තිබුනේ බදාදා සිදු වූ බිඩෙන්ගේ ජයගහ්‍රනය කොන්ග්‍රසය සහතික කිරීම වැලැක්වීමේ ෆැසිස්ට් කුමන්ත්‍රනයට දේශපාලනික වශයෙන් වගකිව යුතු අය වසන් කිරීම සඳහා ය.

ජනාධිපති ට්‍රම්ප්ගේ උසිගැන්වීම සහ රිපබ්ලිකන් පක්ෂයේ ඉහල නිලධාරීන්ගේ සහාය ඇතිව, සිය ගනනක් ජනයා මහා මන්ත්‍රනසභා ශාලාවට කඩා වැදී පැය 48 ක් ගතවන්නටත් මත්තෙන් බයිඩන් තම “රිපබ්ලිකන් සගයන්” සමඟ “එක්සත්කම” ඉල්ලා සිටි අතර වගකිවයුතු කිසිවෙකු දේශපාලනිකව රඳවා තබා ගැනීමට තමා විරුද්ධ බව පැහැදිලි කලේය.

නියෝජිත මන්ත්‍රී මන්ඩලයේ ඇතැම් සාමාජිකයින් විසින් යෝජනා කර ඇති, බදාදා කැරැල්ල උසිගැන්වීම සම්බන්ධයෙන් ට්‍රම්ප්ට එරෙහි හදිසි දෝෂාභියෝගයට සහාය දක්වන්නේද යන ප්‍රශ්නය බිඩෙන් හිතාමතාම පැත්තකට දැමීය. “කොන්ග්‍රසය කුමක් කිරීමට යන්නේද යන්න ඔවුන්ම තීරනය කල යුතුය,” බයිඩන් පැවසීය.

ට්‍රම්ප් වහාම ඉවත් කිරීමට ගන්නා ඕනෑම ප්‍රයත්නයකට බයිඩන් පසුව තම විරෝධය පල කරමින් කියා සිටියේ, “අපි මාස හයක් ඈතින් සිටියේ නම්, අපි ඔහුව ධුරයෙන් නෙරපා හැරීම සඳහා සෑම දෙයක්ම කල යුතුයි.” නමුත් සමාරම්භක දිනයට සති දෙකකට පෙර, “මම අවධානය යොමු කරන්නේ අප 20 වන දින ජනාධිපති සහ උප ජනාධිපති ලෙස පාලනය බාරගැනීම ගැන” එනම් ට්‍රම්ප්ගේ ධූර කාලයේ අවසානය ගැනයි.

බයිඩන්ගේ ප්‍රකාශයේ ඉතිරි කොටසින් අවධානය යොමු කලේ ට්‍රම්ප්ගේ කුමන්ත්‍රනයට සහාය වූ රිපබ්ලිකන් නිලධාරීන්ට දේශපාලන ආවරනයක් සැපයීම කෙරෙහි ය. උප ජනාධිපති පෙන්ස්ව “මයික්” ලෙස හඳුන්වමින් ඔහු කියා සිටියේ ජනවාරි 20 වන දින සමාරම්භක උත්සවයේදී “ඔහුගේ සහභාගීත්වය ගෞරවයක් ලෙස සලකන” බවයි. එදින තමා වර්ජනය කරන බව සිකුරාදා ට්‍රම්ප් ප්‍රකාශ කලේය.

රිපබ්ලිකන් සෙනෙට් සභිකයින් දෙදෙනෙකු වන ජොෂ් හැව්ලි සහ ටෙඩ් කෘෘස්, මැතිවරනය වංචා කල බවට බොරුව ප්‍රවර්ධනය කිරීමේ දී ප්‍රමුඛ කාර්යභාරයක් ඉටු කල බැවින් ඉල්ලා අස්විය යුතු යැයි ඔහු සිතන්නේ දැයි ඇසූ විට, බිඩෙන් කියා සිටියේ ඊලඟ වතාවේදී, එනම්, 2024 දී ඔවුන් ධුරය සඳහා තරඟ වදින විට පරදිනු ඇතැයි යනුවෙන් බලාපොරොත්තු වන බවයි. කුමන්ත්‍රනයට උත්සාහ කිරීමෙන් පසු බ්‍රහස්පතින්දා අලුයම පෙන්සිල්වේනියා ප්‍රාන්තයෙන් මැතිවරන ප්‍රතිඵල ප්‍රතික්ෂේප කිරීම සඳහා ඡන්දය දුන් රිපබ්ලිකන් සෙනෙට් සභිකයින් හත් දෙනා අතර කෘෘස් සහ හැව්ලි ද වූහ. ෆැසිස්ට් පෙලපාලිකරුවන්ට ආචාර කරමින් හැව්ලි ඡායාරූපයක් ද ගන්නා ලදී.

වඩාත්ම වැදගත් දෙය නම් ඩිමොක්‍රටික් පාලනය යටතේ පවතින නව සෙනෙට් සභාවේ මැතිවරනයක් පැවැත්වෙන තෙක් බහුතර නායකයා ලෙස කටයුතු කරන මිච් මැක්කොනෙල් ගැන බයිඩන් පැවසූ දෙයයි. බයිඩන් පැවසුවේ තමා මැක්කොනෙල් ගැන “ආඩම්බර” බවයි. “එක්සත් ජනපද සෙනෙට් සභාව ඉදිරියේ ඔහු පැවසූ දේ, කලයුතු නිවැරදි දෙය යැයි මම සිතුවෙමි. ඔහු නැගී සිටියේය; ඔහු ලැජ්ජාවට පත් විය.”

මැතිවරනය අහෝසි කිරීමට ට්‍රම්ප් ගත් උත්සාහයන් සඳහා දේශපාලන නීත්‍යානුකූලභාවය සැපයීමේ දී තමාගේම භූමිකාව වසන් කිරීමට උත්සාහ කරන මැක්කොනල් බදාදා සෙනෙට් මන්ඩලයේ දී කල කතාව ගැනයි, බයිඩන් එ ලෙස සඳහවන් කලේ.

බයිඩන් විසින් ආරක්ෂා කරන ලද සියලුම පුද්ගලයින්, මැතිවරනය සොරකම් කර ඇති බවට සති ගනන් බොරු කියූවන් සහ මහා මන්ත්‍රනසභා ශාලාව වෙත ප්‍රහාරය සූදානම් කිරීමට උපකාරී වූවන්ය. සෙනෙට් සභාවේ රිපබ්ලිකානුවන්ගේ නායකයා ලෙස මැක්කොනෙල්, ට්‍රම්ප්ට විවේචනාත්මක සේවයක් ඉටු කලේ, බයිඩන්ගේ මැතිවරනය රිපබ්ලිකන් පිලිගැනීම සති ගනනක් ප්‍රමාද කිරීමෙනි. මැතිවරනයෙන් ඉක්බිතිව ඔහු ප්‍රකාශ කලේ “අක්‍රමිකතා පිලිබඳ චෝදනා සොයා බැලීමට සහ ඔහුගේ නීතිමය විකල්පයන් කිරා බැලීමට ට්‍රම්ප් සිය අයිතිවාසිකම් තුල සියයට සියයක් සිටින” බවයි.

මැක්කොනෙල්ගේ බිරිඳ ඉලේන් චාවෝ, ට්‍රම්ප්ගේ කැබිනට් මන්ඩලයේ ප්‍රවාහන ලේකම් ලෙස වසර හතරක කාලයක් පරිපාලනයේ සිට ඇත. ට්‍රම්ප්ගෙන් දුරස්වීමට ඉහල පරිපාලන නිලධාරීන් දරන උත්සාහයේ කොටසක් ලෙස මෙම සඳුදා සිට බලපැවැත්වෙන පරිදි තමා ඉල්ලා අස්වන බව ඇය ඊයේ (08) නිවේදනය කලා ය.

ඊයේ බයිඩන්ගේ ප්‍රධාන අවධානය යොමු වූයේ රිපබ්ලිකන් පක්ෂයේ ස්ථාවරත්වය තහවුරු කිරීමයි. “අපට රිපබ්ලිකන් පක්ෂයක් අවශ්‍යයි” ඔහු පැවසී ය. “ප්‍රතිපත්තිමය හා ශක්තිමත් විපක්ෂයක් අපට අවශ්‍යයි.” කෙටි අදහස් දැක්වීම් වලදී කිහිප වතාවක්ම ඔහු සිය “රිපබ්ලිකන් මිතුරන්” ගැන සඳහන් කල අතර, “අප එකඟ විය යුතු හා එක්ව වැඩ කල යුතු දේවල්” ඉටු කිරීම සඳහා රිපබ්ලිකානුවන් හා ඩිමොක්‍රටිකයින් “එක්සත් කිරීමට” උත්සාහ කරන බව අවධාරනය කලේ ය.

ඇමරිකානු ධනේශ්වර දේශපාලනයේ රාමුව තුල ඩිමොක්‍රටිකයන්ට “ශක්තිමත්” රිපබ්ලිකන් පක්ෂයක් අවශ්‍ය බවට බිඩෙන් කල ප්‍රකාශයෙන් අදහස් වන්නේ, නරකම ප්‍රතිඵලය වනු ඇත්තේ ෆැසිස්ට්වාදයේ බිජු රකින ට්‍රම්ප්ගේ පක්ෂයේ අන්ත පරාජය බවය. කුමන්ත්‍රනයේ, අවම වශයෙන් තාවකාලික අසාර්ථකත්වය නිසා පාලක පන්තියේ අවශ්‍යතා ආරක්ෂා කිරීම සඳහා අත්‍යවශ්‍ය දේශපාලන මෙවලමක් සුනුවිසුනු නොවීමට වග බලා ගැනීමට බිඩෙන්ට හා ඩිමොක්‍රටිකයන්ට අවශ්‍යය.

සාපරාධී කුමන්ත්‍රනය තමන්ගේම මැතිවරන ජයග්‍රහනය වෙත යොමු වුවද එය හෙලිදරව් කිරීමට ඩිමොක්‍රටිකයින් විරුද්ධ වන්නේ මේ නිසා ය. සත්‍යය එලිදරව් වන්නේ නම්, කම්කරුවන් විශාල පිරිසකට ඇතිවිය හැකි රැඩිකලීකරන බලපෑම, රිපබ්ලිකන් පක්ෂයේ ස්ථාවරත්වයට පමනක් නොව සමස්ත රාජ්‍ය යාන්ත්‍රනයට සහ එය ආරක්ෂා කරන ධනවාදී ක්‍රමයට ම තර්ජනයක් වනු ඇත.

මූලික වශයෙන් විදේශ ප්‍රතිපත්තිය කේන්ද්‍ර කර ගත් ඔවුන්ගේ උපායශීලී වෙනස්කම් කුමක් වුවත් ඩිමොක්‍රටිකයින් සහ රිපබ්ලිකානුවන් පාලක පන්තිය නියෝජනය කරයි. එක්සත් ජනපදයේ ප්‍රජාතන්ත්‍රවාදී පාලන ක්‍රමවල ඉතිරිව ඇති දේ පෙරලා දැමීමකට වඩා ඔවුන් කනස්සල්ලට පත්වන්නේ කම්කරු පන්තියේ විප්ලවවාදී ව්‍යාපාරයක් ගැනය.

ඔබාමාගේ සමාරම්භක අවස්ථාවේ ජෝර්ජ් ඩබ්ලිව් බුෂ්ට එරෙහි විරෝධතා පිලිබඳව “නිහඬව කෝප වූ” බව හිටපු ජනාධිපති බැරැක් ඔබාමා විසින් මෑතකදී ප්‍රකාශයට පත් කරන ලද මතක සටහන් වල සඳහන් වේ. මැතිවරනයක් සොරකම් කිරීම හරහා බුෂ් බලයට පත්වූ බව හෝ ඔහු ලක්ෂ සංඛ්‍යාත ජනතාවක් ඝාතනය කල නීති විරෝධී යුද්ධ කල බව කිසිවිටෙකත් අමතක නොකරන්න. වඩාත් සමීප කාරනය වූයේ ධනේශ්වර රාජ්‍යයේ ආයතන ආරක්ෂා කිරීමයි.

ට්‍රම්ප්ගේ මැතිවරනය අවසන් වූ වහාම 2016 නොවැම්බරයේදී ඩිමොක්‍රටිකයින්, පැමිනෙන පරිපාලනය සමඟ කටයුතු කරන බවට ප්‍රතිඥා දුන්හ. ඔබාමා ප්‍රකාශ කලේ, මැතිවරනය එකම කන්ඩායමේ දෙපැත්තක් අතර “බිත්ති හතර තුල කෝලාහලයක්” බවයි.

පසුගිය වසර පුරා ට්‍රම්ප් ආන්ඩුක්‍රම ව්‍යවස්ථාව පෙරලා දමා පුද්ගලවාදී ආඥාදායකත්වයක් ඇති කිරීමට උත්සාහ කල අතර ඩිමොක්‍රටිකයින් උත්සාහ කලේ ප්‍රජාතන්ත්‍රවාදී අයිතිවාසිකම්වලට එරෙහි දුරදිග යන ප්‍රහාරය වසන් කිරීමට ය. පොලිස් ඝාතනයට එරෙහිව සිදු වූ විරෝධතාවන්ට එරෙහිව, කැරලි මර්දන පනත ක්‍රියාත්මක කරන බවට තර්ජනය කරමින් ට්‍රම්ප්ගේ ජුනි 1 කතාවෙන් පසු ව, ඩිමොක්‍රටිකයෝ මිලිටරි ආඥාදායකත්වයක් ඇති කිරීමේ මෙම උත්සාහයට විරුද්ධ පක්ෂයේ සියලු සහයෝගය පුද කලහ.

මීට මාස තුනකට පෙර, එනම් මැතිවරනයට මසකට පෙර, ඔක්තෝබර් මස මුලදී කොරෝනා වෛරසය වැලඳුනු ට්‍රම්ප් ෆැසිස්ට්වාදී ප්‍රවුඩ් බෝයිස් ලාට “පිටුපසට වී සූදානමින් සිටින්න” යැයි ඉල්ලා සිට දින කිහිපයකට පසුව, ඩිමොක්‍රටිකයෝ ප්‍රතිචාර දැක්වූයේ ඔහුගේ “වේගවත් සම්පූර්න සුවය” පතමිනි.

ට්‍රම්ප් “ජාතිය වෙනුවෙන්” ඉක්මනින් යථා තත්ත්වයට පත්වනු ඇතැයි යන බලාපොරොත්තුව ප්‍රකාශ කරමින් නිව්යෝර්ක් ටයිම්ස් පුවත්පත “ජනාධිපතිතුමනි සුව වෙන්න” යන කතුවැකිය පල කලේ ය. එවකට ලෝසවෙඅ සඳහන් කල පරිදි ට්‍රම්ප් ධවල මන්දිරයට ඉක්මන් ආපසු පැමිනීම “අසනීපය නිසා ඔහුගේ ස්ථාවරය සහ දේශපාලන කුමන්ත්‍රන කෙරෙහි ඇති කරන බලපෑම පිලිබඳ ගැඹුරු කනස්සල්ලෙන්” පැහැදිලිවම පෙලඹී ඇත.

ට්‍රම්ප් ධවල මන්දිරයට ආපසු පැමින දින කිහිපයකට පසුව මිචිගන් ආන්ඩුකාර ග්‍රෙට්චන් විට්මර් පැහැරගෙන ගොස් ඝාතනය කිරීමේ ෆැසිස්ට් කුමන්ත්‍රනය අනාවරනය විය. ඩිමොක්‍රටිකයෝ මෙම කුමන්ත්‍රනයේ වැදගත්කම යටපත් කලහ. එය බදාදා සිදුවීම් සඳහා පෙරහුරුවක් වූ අතර විට්මර් ආරක්ෂා වූයේ යන්තමිනි. කුමන්ත්‍රනකරුවන් ද රිපබ්ලිකන් පක්ෂයේ නිලධාරීන් සහ පොලිස් බලකායන් ද අතර ඇති බොහෝ සම්බන්ධතා පිලිබඳව කිසිදු විමර්ශනයක් සිදු නොවීය.

දැන්, ෆැසිස්ට් කැරැල්ලකට උත්සාහ කිරීමෙන් දින කිහිපයකට පසුව, ඩිමොක්‍රටික් පක්ෂයේ නායකයා සහ අනාගත ජනාධිපතිවරයාගේ දිශානතිය වන්නේ “එක්සත්කම” සහ “ද්විපාර්ශ්විකත්වය” යි. බයිඩන් ආදේශකයක් ලෙස ගෙන “පිටුව පෙරලීම” අවශ්‍ය බව සෙනෙට් සභික ටොම් කාපර් බදාදා පස්වරුවේ පැවසීය.

වෙනත් වචන වලින් කිවහොත්, සහභාගී වූ දක්ෂිනාංශික මැර පිරිස හැරුනු විට අන් කිසිවෙකු වගකිව යුතු නොවේ. මෙම පුද්ගලයින් දක්ෂිනාංශික දිවි පුදන්නන් ලෙස සමරනු ඇති අතර, ඔවුන් ෆැසිස්ට්වාදීන් සඳහා අරමුදල් රැස් කිරීමේ අවස්ථාවන්හි කථිකයන් ලෙස පෙනී සිටීමට වැඩි කලක් ගත නොවනු ඇත. ඔවුන්ගෙන් සමහරක්, අනාගත මැතිවරනවලදී රිපබ්ලිකන් අපේක්ෂකයින් වනු ඇත. ට්‍රම්ප් සහ ඔහුගේ දුෂ්ඨ පුතුන් වන එරික් සහ ඩොනල්ඩ් ද, රූඩි ජියුලියානි, ස්ටීවන් මිලර් ඇතුලු අනෙකුත් ෆැසිස්ට් මැර කල්ලිවල දේශපාලන සංවිධායකයින් සහ අනුබල දුන් අය සම්බන්ධයෙන් ගත් කල, ඔවුන් ජීවත් වී තවත් දිනක් සටන් කිරීම සඳහා සමෘද්ධිමත් වනු ඇත.

1923 දී අසාර්ථක වූ කුමන්ත්‍රනයෙන් හිට්ලර් දේශපාලනිකව වාසි ලබා ගත් බව සිහිපත් කිරීම වටී. ඔහුට සිර දඬුවම් නියම වූයෙන් සුවපහසු සිර කඳවුරක රඳවා තබන ලද අතර මේන් කැම්ප් (Mein Kampf) ලිවීමට ඔහුගේ නිදහස් කාලය යොදා ගත්තේය. වසර 10 ක් තුල ඔහු ජර්මනියේ චාන්සලර් විය.

අනාගත බිඩෙන් පරිපාලනය සම්බන්ධයෙන් ගත් කල, එය කම්කරු පන්තියට දරුනු ලෙස සතුරු වන දක්ෂිනාංශික පාලන තන්ත්‍රයක් වනු ඇත. රිපබ්ලිකන් පක්ෂය ශක්තිමත් කිරීම සඳහා බිඩෙන් දරන උත්සාහය අරමුනු කරන්නේ, වම පහතට ඇද දැමීම සහ පහර දීමයි. එය ඩිමොක්‍රටික් පක්ෂ දේශපාලනයේ ද්විත්ව කුළුනු, එනම් මිලිටරි හා බුද්ධි අංශවල රුසියානු විරෝධී ආඛ්‍යානය සහ වාර්ගික ගැටුම් ප්‍රවර්ධනය කිරීම සමඟ සංයුක්ත වේ. ඩිමොක්‍රටික් පාලනයකින් යුත් රජයක ප්‍රතිපත්තිය, අන්ත දක්ෂිනාංශයේ තවදුරටත් වර්ධනය සඳහා හොඳම කොන්දේසි නිර්මානය කරනු ඇත.

කුමන්ත්‍රනය සැඟවීමට ගන්නා උත්සාහයට විරුද්ධ විය යුතුය! ට්‍රම්ප් වහාම ඉවත් කොට අත්අඩංගුවට ගන්නා ලෙසත්, ජනවාරි 6 වන දින ෆැසිස්ට්වාදී කුමන්ත්‍රනයට ආධාර කල සහ අනුබල දුන් සියලු දෙනා සම්බන්ධයෙන් විවෘත මහජන අපරාධ පරීක්ෂනයක් පවත්වන ලෙසත් සමාජවාදී සමානතා පක්ෂය ඉල්ලා සිටී. ඔවුන්ගේ විද්‍යුත් තැපැල්, කෙටි පනිවිඩ සහ සන්නිවේදනයන් හෙලිදරව් කල යුතුය. මෙම මෙහෙයුම සඳහා දේශපාලන ආවරනයක් සැපයීමට, සැලසුම් කිරීමට හා මෙහෙයවීමට සම්බන්ධ සියලු දෙනා නිලයෙන් පහ කර අත්අඩංගුවට ගෙන බන්ධනාගාරයට යැවිය යුතුය.

මෙම ඉල්ලීම ඉදිරිපත් කිරීමේදී සසප ඩිමොක්‍රටික් පක්ෂයට කිසිදු විශ්වසනීයත්වයක් ලබා නොදේ. ඒ වෙනුවට, එය පක්ෂ දෙකම සහ සමස්ත ධනේශ්වර රාජ්‍යයම හෙලි කරයි.

කුමන්ත්‍රනය පැහැදිලි ලෙස හෙලිදරවු කිරීම, තමා මුහුන දෙන බලවේගයන්ගේ ස්වභාවය පිලිබඳව කම්කරු පන්තියේ විඤ්ඤානය ඉහල නැංවීම, ෆැසිස්ට් කුමන්ත්‍රනය සහ පාලක පන්තියේ සැලකිය යුතු කොටස් අතර සම්බන්ධතාවය හෙලිදරව් කිරීම සමස්ත ධනේශ්වර ක්‍රමයට එරෙහිව කම්කරුවන්ගේ ස්වාධීන ව්‍යාපාරයක් වර්ධනය කිරීම සඳහා අවශ්‍ය වේ.